Malunga nathi

Siphila ngokwesiko lethu. Ukugcina nokukhuthaza isintu.

Ibali lethu

Intlalo ka Ntu liqumrhu elizimeleyo elingenzi nzuzo, eligxile kwintlalo yesintu.

Liqumrhu elihamba kwimilimandlela yoo bawomkhulu, ngokwenza zonke izinto abebefudula bezenza. Eli qumrhu lasekwa ngomnyaka ka 2017.

Yaphehlelelwa ngokusesikweni eMt Fletcher nge 05/05/2019, kwindawo yase Chevychase (eTshukutshezi). Belifudula libizwa nge Nkolo kaNtu phesheya kweNciba, ekuhambeni kwexesha labizwa ngeNtlalo kuba amalungu walo awaphelelanga phesheya kwe Nciba kuphela, koko anabele nakwamanye amaphondo wase Mzantsi we Africa — umzekelo kwiphondo lomntla Kapa akhona amalungu we Ntlalo kaNtu. Ivuselela amakhaya ekuwakhumbuzeni ngendlela ookhokho bethu babezenza ngayo izinto, kuquka unqulo. Ikhumbuza abantu ngokuthi bazi ukuba intlalo yesintu isemakhaya, yiyo lento ingenasakhiwo. Phakathi kwezinto ezenziwayo luqeqesho lwabantwana abaselula ngendlela yokuziphatha ngokubuyisa inkciyo/uhlolo lwamantombazana, idibanisa nabantwana abangamakhwenkwe, ukuze bakhule beyazi indlela yokuphatha abantwana abangamantombazana.